Forum leParole
Piccoli Scrittori... => ... scrivono poesie... => Topic aperto da: amcozza - 1 Novembre 2015, 01:33:36 am
-
Ncielo s'è spase nu lenzuolo niro
chiòve primma nu poco po' assaje
'a stanza s'è fatta scura 'e gelata.
I' vi sento penziere mieie
ca nun parlate, diciteme: addò iate?
Ah sta pucundrìa ca vene a ncuità
ca saglie stregne e affoca!
Miette vela e iammo luntano core
scappammo primma ca cchiù s'accoste
e st'anema ca tutto sente struje.
Addà passà st'ombra, addà passà
s'addà sbruglià stu velo niro!
Vattènne, vattènne aria d'autunno
nun te sta cu me abbracciata!